الفرقــــ بينــــ الطفلـــــــــــ الفافىـــــ والطفلـــــــــــــ البيئــــــــة

بسم الله الرحمن الرحيم
*الطفل المترفه (الهاف لايف) :

1- الولد من دول يصحى على صوت الكناري اللي في اوضته .... سو سو سو سو .... -

2- يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....بيتفرج على الام بي سي كتيييييييييييير

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....الداده معاها دكتوراه من جامعه أجنبيه في تربية الاطفال -

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها ..... اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ... وسبوووهات تقولش دخلت حنفي شحاته أو توكيل nike -

6 - ينزل يفطر مع مامي ودادي ... والفطار كورن فليكس بطعم الستروبوري اوالشوكولات ....كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشيكن و كيس شيبسي و عصير جهينه او ايزي موزوو.....ايزي مووزو !!!! فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا ...جنيه ؟؟؟؟ دي عملة ياي انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..بنشوف الشنطه دي مع الخواجات في شرم وبس -

10- يركب الباس بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش ..... فريدرو جاكو .... وميغنوش بالعربي -

*الطفل البييييئه :

1- علشان يصحي .... اخوه يرمى عليه طوبه عشان بقاله ساعتين بيصحي فيه ... وهو مش عاوز يصحي ...طبعا .. مقضيها صرمحه في الشارع للفجر -

2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر بدل تمارين الصباح ... رياضه برضه -

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... وبرده هيمسكو بعض .....عشان كده تلقي وشهم دايما متخرشم -

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ... هدومه كلها مكرمشه ... تقولوش كان حططها تحت المرتبه ال بينام عليها -

5- طب وبعدين .... ساعتين بيدور على الجزمه ... مش عارف رزعها فين قبل ما ينام... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!!! علشان محدش من أخواته يخدها ..... طبعا ما يعرفش اختراع اسمه الشرابات -

6- دلوقتي معاد حرب كل يوم .....ماما ... انا عايز مصروفيمصروف ايه ياااااض يا ابن تييييييييييت ... انت مش واخد امبارح .. ولا كل يوم مصروف ...... يعني مافيش اي حاجه ؟؟؟ ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز بالزال مش بالسين او عربيه نقل وقضيها شعبطه ....

في طابور المدرسه ....

*الطفل الفافي (الهاف لايف) :

1- العيال كلهم واقفين في صفوف شكلها يفرح .. ده غير ريحتهم اللي زي الفل - نضافه رباااااااااني - الطابور كله تمارين ونشاط ....على انغام الدي جي .... الاذاعه المدرسيه ... اخبار من مجلات (واشنطون بوست) وطبعا .... مافيش ترجمه -

2- يغنو النشيد الوطني بقيادة المايسترو (سليم سحاب) ..... طالعين فصولهم وكأنهم ملايكه أو فراشات ... وبحماس ونظاااام ..... تقريبا ... والله أعلم ... بيحبو مدرستهم .... سبحان الله

*الطفل البيئه :

1- داخل المدرسه متأخر وحالته نيله

2_اتشعبط في مكروباز ( طلخا الجامعه) ... ومدرسته اصلا في ( الدراسات ) .... بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري... زمايله في المدرسه يلمو الورق من حوش المدرسه .... ولا واحد منهم فاهم هو فين أصلا ... واتضح ان صاحبنا أكتر واحد ...... شيييك فيهم -

3- الأثاحه الملثيه .....----> تحريف لكلمة (الاذاعة المدرسيه) ... تخيلو انتو باقي الأخبار بقى -

4- النشيد الوطني اللي هم بيقولوه .... بتاع دوله تانيه خالص ... ونفسي اعرف ايه هي؟؟؟ - طبعا على موسيقا آلات النفخ .... الشيشه -

5- وبعدين يطلوعهم الفصول .... بيختلط الحابل بالنابل ....ياترى انا في فصل ايه النهارده ؟؟؟ - بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي

*الطفل الفافي (الهاف لايف) :

1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه - والله العظيم ... وشه انضف من ما كان طالع الصبح أصلا -

2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا ... الغدا بتاعهم بنشوفه في الأفلام الأمركاني -

3- هاني ...( دينر از ريدي ) قصدي الغدا جاهز - السيييم بتاعهم لما يجهز الغدا - بعد الغدا ... يشرب كبايه (اورانج جووس) وينام ساعه عشان يعرف .... يذاكر ويحل الهوم وورك

الطفل البييئه :

1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه -

2 - امه لسه ماخلصتش الغدا ... النهارده امه دابحه دكر جبنه بيضه ... واحتمال يكون في فول بالصلصه

3- ترااااادااترااااااااااااااااااااااااا دي اعلان الحرب ... أو الغدا <هجووووووووووم> -

4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع .... تنااااااااحه ( فور آيفير) وبعدين ينام ..... بسلامته نايم وهو متلفح بالبطانيه زي مايكون من مطاريد الجبل .

والبقيه تأتي
هههههههههههههههههههه

منقوووووووووول